कैलालि, १३ जेष्ठ। खेतमा गाडी राखेको अवस्थामा कैलालि प्रहरीले २५ लाख ६८ हजार भारतीय रुपैयाँ र दुई तोला सुन प्रहरीले बरामद गरेको छ। भारतको विभिन्न स्थानबाट नगदसहित सुन चोरी गरी लुकाइछिपाइै राखिएको भन्ने विशेष सुचनाको आधारमा जिल्लाको घोडाघोडी नगरपालिका ८ र बर्दगोरिया ४ सुन्दरपुरको खेतमा गाडेर लुकाइ राखेको अवस्थामा नगद र सुन बरामद हो।
जिल्लाको घोडाघोडी नगरपालिका ८ र बर्दगोरिया ४ सुन्दरपुरबाट खेतमा गाडेर लुकाइएको अवस्थाबाट नगद र सुन बरामद गरिएको जिल्ला प्रहरी कार्यालयका प्रवक्ता वेदप्रकाश जोशीले बताए।
घोडाघोडी नगरपालिका ८ मा २३ लाख ४६ हजार भारतीय रुपैयाँ र दुई तोला सुन प्लाष्टिकले बेरेर जमिनमा स्थानीय लालबहादुर थापाको घर नजिकबाट र सुन्दरपुरस्थित दुर्गा चलाउनेको घर नजिक भने स्टिलको डिब्बाभित्र राखेर दुई लाख २२ हजार भारतीय रुपैयाँ बरामत गरेको जिल्ला प्रहरी कार्यालय कैलालिका सूचना अधिकारी वेदप्रकाश जोशीले जानकारी दिए।
नगद र सुन बरामदपछि चोरीबारे थप अनुसन्धान भइरहेको जिल्ला प्रहरी कार्यालयले जानकारी दिएको छ।
