सिरहा, ४ जेष्ठ। सिरहाको सखुवानन्कारकट्टी गाउँ पालिकामा नेकपा एकीकृत समाजवादीका केदारथान यादव पुनः अध्यक्ष पदमा निर्वाचित भएको छ। निकटतम प्रतिद्वन्द्वि नेपाली काँग्रेसका शत्रुधन प्रसाद साहलाई २६ मत अन्तरले पछि पार्दै यादव निर्वाचित भएको हो। ७४ को निर्वाचनमा यादव नेकपा एमालेबाट अध्यक्ष निर्वाचित भएका थिए।
यादव ३ हजार ४ सय ७ मत सहित विजयी भएको हो। उनको निकटतम प्रतिद्वन्द्विहरु नेपाली काँग्रेसका शत्रुधन प्रसाद साह र जनता समाजवादी पार्टी, नेपालका प्रयागलाल यदवले १ हजार ८ सय ४ मत प्राप्त गरेका छन्।
गाउँ पालिका उपाध्यक्षमा भने नेपाली काँग्रेसकी निलम यादव ३ हजार ४ सय ६२ मत सहित विजयी भएका छन्। उनका निकटतम प्रतिद्वन्द्विहरु नकपा एसका प्रमिला यादव र जसपा नेपालका कविता कुमारी यादवले १ हजार ८ सय ६० मत प्राप्त गरेको निर्वाचन अधिकृत अनन्त पौड्यालले जानकारी दिए।
पलिकाको नेपाली काँग्रेसले २, नेकपा एसले २ र जसपाले एउटा वडा जितेको छ।
वडा नम्वर १ र २ मा क्रमशः नेपाली काँग्रेसका संजय कुमार यदव ६ सय २५ मत र तनुकलाल यादव ६ सय ९५ मत ल्याई विजयी भएका छन्।
नेकपा एसका तर्फबाट वडा नम्वर ३ मा भोगेन्द्र यादव ७ सय ९६ र वडा नम्वर ५ मा विसेश्वर प्रसाद यादव ९ सय ४१ मत सहित निर्वाचित भएका छन्।
वडा नम्वर ४ मा भने जनता समाजवादी पार्टी नेपालका रमेश कुमार यादव ७ सय २९ मतले जित हासिल गरेको छ।
