सिरहा, ३जेष्ठ। काँग्रेसको किल्ला भत्काउँदै सिरहाको नवराजपुर गाउँपालिकामा अध्यक्ष र उपाध्यक्षमा जनता समाजवादी पार्टी (जसपा) विजयी भएको छ। निवर्तमान अध्यक्ष विश्वमोहन प्रसाद यादवलाई दुईहजार भन्दा बढी मातान्तरले शिव उदगार यादव ‘शिवा’ विजयी भएका हुन्।
उनले ४ हजार ५ सय ५४ मत ल्याएको निर्वाचन अधिकृतको कार्यालयले जनाएको छ।
उनका निकटम प्रतिस्पर्धिहरु नेपाली कांग्रेसका विश्वमोहन प्रसाद यादव मात्र २ हजार ५ सय २५ मत र नेकपा एमालेका खुशिलाल साहले १ हजार ७ सय ५३ मत प्राप्त गरेको छ।
विश्वमोहन कांग्रेस नेतृ एवम् पूर्व उपसभामुख समेत रहेकी चित्रलेखाका दाई हुन्।
उपाध्यक्षमा जसपाकै पुनम कुमारी यादव ४ हजार ३ सय १८ मत ल्याएर विजयी भएकी छन्। उनकी निकटम प्रतिस्पर्धीहरु कांग्रेसकै शोभा कुमारी यादवले २ हजार ३ सय ८५ मत र नेकपा एमालेका संगीता कुमारी यादवले २हजार ४६ मत प्राप्त गरेकी छिन्।
पालिकाको ५ वडा मध्ये ४ वटा वडा जसपाले हात पारेको छ भने एउटा वडा नेपाली काँग्रेसले जितेको छ।
जसपाको तर्फबाट वडा नम्वर १ मा नविन कुमार यादव ९ सय १३, वडा नम्वर २ मा सुरेश कुमार यादव ४ सय २९, वडा नम्वर ३ मा वंशिलाल यादवले १ हजार १ सय ३७ मत र वडा नम्वर ५ मा जयप्रकाश यादवले १ हजार २० मत प्राप्त गरी निर्वाचित भएका छन्।
नेपाली काँग्रेसबाट वडा नम्वर ४ का उम्मेदवार मदन यादव ७ सय ८३ मत सहित विजयी भएका छन्।
