पूर्व मन्त्री सोनलकै पालिकामा लोसपा पराजित, वडामा पनि एमाले बिजयी

    • जेठ ३, २०७९
    • 104 पटक पढिएको
    • गमक पाेस्ट
    alt

    वीरगञ्ज, ३ जेष्ठ। लोकतान्त्रिक समाजवादी पार्टी (लोसपा) मधेश प्रदेशका अध्यक्ष एवम् पूर्व मन्त्री जितेन्द्र सोनलकै गाउँपालिकामा लोसपा पराजित भएको छ । बाराको परवानीपुर गाउँपालिकाको अध्यक्षमा लोसपाका उम्मेदवार जगतनारायण महतो पराजित भएका हुन् । महतो नेकपा एमालेका रामक्षत्रीप्रसाद कुर्मीसँग ४ सय ७४ मतले पराजित भएका हुन् । एमालेका कुर्मी २ हजार ९ सय १७ मतका साथ गाउँपालिका अध्यक्षमा निर्वाचित भएका छन् ।

    मधेश प्रदेशका पूर्व भौतिक पूर्वाधार बिकास मन्त्रीसमेत रहेका सोनलकै गाउँपालिकामा उनकै पार्टीका उम्मेदवार पराजित भएपछि लोसपाको गढ मानिने क्षेत्र एमालेको कब्जामा गएको हो । २०७४ सालको निर्वाचनमा सोनलकै पार्टीले अध्यक्ष र उपाध्यक्षमा बाजी मारेपनि यसपटक टिकट वितरणमा विवाद हुँदा निवर्तमान अध्यक्ष हरीनारायण साह र कार्यपालिका सदस्य सञ्जु साह जसपातिर लाग्दा प्रदेश सभा सदस्य सोनलले गृह पालिका गुमाउनु परेको हो ।

    गाउँपालिका उपाध्यक्षमा पनि एमालेकी सुगन्धी देवी कानु ३ हजार २ सय ३२ मतका साथ निर्वाचित भएकी छिन् । लोसपाबाट उपाध्यक्षकी उम्मेदवार साबित्री देवीलाई कानुले ८ सय ४५ मतान्तरले पराजित गरेकी छिन् ।

    गाउँपालिकाका ५ वडामध्ये वडा नम्बर ४ मा मात्रै लोसपाले जितेको छ । लोसपाका गम्भिरा राउत कुर्मी ६ सय १५ मतका साथ निर्वाचित भएका छन् भने वडा नम्बर १ मा नेपाली कांग्रेसका चोकट महतो धानुक (७८०), २ मा एमालेका महमदनुरुल होदा अन्सारी (५८५), ३ मा एमालेकै इब्राहिम मिया धोबी (८४३) र ५ मा जसपाका रामेश्वर साह कलवार (८५९) निर्वाचित भएका छन् ।

    वडा नम्बर ३ पूर्व मन्त्री सोनलकै वडा हो । आफ्नै वडामा पनि एमालेले नै जितेर लोसपा पराजित भएपछि सोनलप्रतिको विश्वास कम भएको स्थानीय बताउँछन् ।

     

    रामेछाप बस दुर्घटनाम ...

    फोटो : अकोक दोङको फेसबुकबाट। काठमाडौं, २१ असार। रामेछ ...

    सर्लाहीको वनमा गाडेक ...

    सर्लाही, २१ असार। सर्लाहीको वनक्षेत्रमा गाडेको अवस्थामा ...

    छोरी शिक्षा विमा फार ...

    जनकपुर २० असार। मुख्यमन्त्री लालबाबु राउतले मुख्यमन्त्र ...

    मधेस प्रदेश : ‘असारे ...

      जनकपुर, २० असार। मधेस प्रदेशको प् ...

    सम्पर्क

    गमक मिडिया हाउस प्रा.लि. द्वारा सञ्चालित गमक पोष्ट अनलाईन

    • गोलबजार नपा ४, सिरहा
    • मोवाईल : ९८५२८२८६५७
    • www.gamakpost.com
    • इमेल : [email protected]
    • सूचना विभिाग दर्ता नं. : ३१२४-२०७८/७९

    हाम्रो बारेमा

    • अध्यक्ष/कार्यकारी सम्पादक : आशे कुमार विश्वकर्मा ‘आशिष’
    • प्रवन्ध निर्देशक : मुकेश कुमार यादव
    • सम्पादक : श्याम खनाल