बारा, ३ जेठ। बाराको परवानीपुर गाउँपालिकाको अध्यक्ष र उपाध्यक्ष दुवै पदमा एमाले उम्मेदवार निर्वाचित भएका छन्। अध्यक्षमा रामक्षेत्री प्रसाद कुर्मी र उपाध्यक्षमा सुगन्धी देवी कानु निर्वाचित भएका हुन्।
अध्यक्षमा एमाले उम्मेदवार कुर्मीले २ हजार ९ सय १७ मत पाएर निर्वाचित हुँदा नेपाली कांग्रेसका उम्मेदवार लाल बाबु प्रसाद यादवले २ हजार ४ सय २६ मत पाए। लोसपाका उम्मेदवार जगत नारायण प्रसाद महतोले २ हजार ४ सय ४३ मत पाए।
उपाध्यक्ष तर्फ एमाले उम्मेदवार सुगन्धी देवी कानु ३ हजार २ सय ३२ मत पाएर निर्वाचित हुँदा कांग्रेस उम्मेदवार कुराननेसा खातुनले २ हजार ९ सय १४ मत र लोसपाकी सावित्री देवीले २ हजार ३ सय ८७ मत पाएका छन्।
वाड अध्यक्षहरुमा भने छ्यासमित निर्वचित भएका छन्। नेकपा एमालेका तर्फबाट महामदनुरुल हादा अन्सारी ५ सय ८५ मत सहित वाड नम्वर २ र ३ बाट इब्रहिम मियाँ धोवी ८ सय ४३ मत सहित विजयी भएका छन्।
त्यसैगरी, वाड नम्वर १ मा नेपाली काँग्रेसका चाहक महतो धानुक ७ सय ८०, वाड नँवर ४ मा लोकतान्त्रिक समाजवादी पार्टी नेपालका गम्भिरा राउत कुर्मि ६ सय १५ मत सहित विजयी भएका छन्। वडा नम्वर ५ मा भने जनता समाजवादी पार्टीका राजेश्वर साह कलवार ८ सय ५९ मत सहित विजयी भएको छ।
