सिरहा, १२ वैशाख । यहि वैशाख ३० गते हुन गईरहेको स्थानीय तह निर्वाचनका लागि सिरहाका स्थानीय तहमा कुनै पनि मुख्य दलले आज पहिलो उम्मेद्वारी दिएको छैन् ।
नेपाली काँग्रेस, नेकपा एमाले, नेकपा माओवादी केन्द्र र जनता समाजवादी पार्टीका कुनै पदक उम्मेद्वारले पहिलो दिन मनोनयन पत्र दर्ता नगराएको निर्वाचन अधिकृतको कार्यालयले जनाएको छ ।
सिरहा काँग्रेसका अझै धेरै स्थानीय तहमा मुख्य पदका उम्मेद्वारहरुको टुङ्गो लागिसकेको छैन । उम्मेद्वार टुङ्याउन छलफलमा जारी रहेको काँग्रेसीहरुले बताएको छ ।
नेकपा एमालेले धरै तहका लागि उम्मेद्वार टुङ्गो लगाएपनि उनीहरुले समेत आज कतै उम्मेद्वारी मनोदय दर्ता गराएका छैनन् । एमाले पनि सत्ता गठवन्धन दलको उम्मेद्वारीको पर्खाईरमा रहेको छ ।
पार्टीभित्र धेरै आकाक्षी भएकाले नेकपा माओवादी केन्द्रले पनि अझै पालिका अध्यक्ष तथा मेयर पदका उम्मेद्वारहरु टुङ्गो लगाउन सकेका छैनन् । आकांंक्षीहरु धेरै भएकाले उम्मेद्वार टुङ्गो लगाउन समस्या भएको बताइएको छ ।
जनता समाजवादीको अवस्था पनि उस्तै छ । उनीहरुले पनि अझै उम्मेदवार नै सहमतिमा टुङ्गो लगाउन सकिरहेको छैन् ।
आज मनोनयन दर्ताको पहिलो दिन सिरह नगरपालिकामा ४ जना वडा अध्यक्षको उम्मेद्वारी दर्ता भएको छ । जसमध्ये २ जना
सिके राउत नेतृत्वको जनमत पार्टीका र २ जना स्वतन्त्र उम्मेदवार रहेको निर्वाचन कार्यालयले जनाएको छ ।
धनगढीमाई नपामा ४ जना मेयर, १ जना उपमेयर, ३ जना जना वडा अध्यक्ष र १ जना वडा सदस्यको उम्मेदवारी परेको छ ।
त्यसमध्ये एक जना मेयर र उपमेयर राप्रपाको रहेको छ ।
लहान नगरपालिकामा २ जना मेयर र १ जना वडा अध्यक्षको उम्मेद्वारी परेको छ ।
वरियारपट्टीमा १ जना मेयर, ३ वडा अध्यक्ष, १ दलित महिला र २ जना खुल्ला सदस्यको उम्मेदवारी परेको छ ।
सुखिपुर नगरपालिकामा १ मेयर, ३ वडा अध्यक्ष र ४ खुल्ला सदस्यको उम्मेद्वारी परेको छ भने लक्ष्मीपुर पतारी गापामा २ मेयर, १ उपमेयर, ६ वटा अध्यक्ष र ६ महिला सदस्यको उम्मेद्वारी परेको छ ।
अर्नमा र औरही गापामा एकजनाले पनि आज उम्मेदवारी दिएका छैनन् । सवै मुख्य दलहरुले भोली उम्मेदवारी दिने बताएको छ ।
