सिरहा, ११ वैशाख। प्रथम गोलबजार जिल्ला स्तरीय क्रिकेट प्रतितोगिताका उपाधी एबी–मल गोलबजारले हात पारेको छ । आज सम्पन्न फाइनल खेलमा टस जितेर ब्याटिङ रोजेका सिरहा टिमले एबी–मल गोलबजारलाई २० ओभरको खेलमा अल आउट भई १ सय २१ रनको लक्ष्य दिएका थिए।
ओपनर ब्याटिङका लागि एबी–मलका खेलाडी अनिश मण्डल र किरण मुखिया आएका थिए। खेलको पहिलो ओभरको वलिङ सिराहाका खेलाडी जियाउदिन खानले गरेका थिए। उनी पहिलो ओभरमै २ रण दिएर १ बिकेट लिन सफल भएका थिए। अनिश मण्डलले आफ्नो टिमका लागि २ रण मात्र बनाएर आउट भए।
त्यसैगरी, ओपनर किरण मुखिया १६ रन बनाएर आउट भएका थिए। तेस्रो नम्बरमा एबी–मलका खेलाडी निसानत यादबले १३ बलमा ३६ रन बनाएर म्यान अफ द म्याच समेत घोसित भएका खेलका आयोजक राज देबी युवा कल्बका अध्यक्ष सुरजा साहले जन्कारी दिए।
सिरहा टिमबाट ओपनर ब्याटिङ रामेश्वर र जियाउदिन खानले गरेका थिए। सिरहा टिमका खेलाडीले पहिलो ओभरमा १ विकेट गुमाएर २ रण मात्र बनाएका थिए। पहिलो ओभरमा वलिङ एबी–मलका खेलाडी बिकीले गरे। उनले एक ओभरमा २ रन १ विकेट लिन सफल भएका आयोजकले बताए।
दोस्रो ओभरमा वलिङ गर्न किरण मुखिया आएका थिए । उनले १ बिकेट लिएर ९ रन गरे। तेस्रो नम्बरमा ब्याटिङ गरेका सिराहाका खेलाडी शंकर यादबले ११ बलमा २५ रन बनाएर आउट भएकोे जन्कारी दिए।
एबी–मल गोलबजारले १५ ओभर १ बलमा १ सय २१ रन बनाएर आफ्नो टिमलाई जित दिलाउन सफल भए।
प्रीतयोगितामा विजेता टिम एबी–मल गोलबजार नगद ३० हजार, ट्रफी प्राप्त गर्न सफल भए। सह आयोजक समेत रहेका एबी मलका म्यानेजर सुदिप राउतल आफ्नो टीम विजयी भएकोमा खुसी व्यक्त गरे।
दोस्रो विजेता सिरहा टिमले नगद २० हजार सहित ट्रफि प्राप्त गरेका छन्।
प्रथम जिल्ला स्तरिय क्रिकेट प्रतियोगितामा इलाका प्रहरी क्रयालयका इन्चार्ज राजु केसी, एबी–मलका प्रतिनिधि फैजल अन्सारी, स्थानीय राजनीतिकर्मी तथा खेलप्रेमीहरुको उपस्तिथी रहेको थियो।
