सिरहा, २५ माघ । सिरहाको सखुवानन्कारकट्टी गाँउपालिकामा अस्पताल निर्माणका लागि पाँच दाजुभाईले करोडौंमूल्यको जग्गा दान गरेका छन् । पालिकामा निर्माणहुन लागेको १० शैयाका आधारभूत अस्पताल निर्माणको लागि स्थानीय दोरिक यादव, बद्री नारायण यादव, रामप्रसाद यादव, रामविलास यादव र रामकुमार यादवले एक करोड मूल्य बराबरको १० कठा जग्गा दान गरेका हुन् ।
आफ्ना पूर्वजहरुको सम्झनामा सवैदाजुभाई मिलेर वर्तमान दरभाउ अनुसार एक करोड मूल्य बराबरको जग्गा दान गरेको रामप्रसाद यादवले जानकारी दिए ।
जग्गा गर्ने दाताहरुलाई सखुवानन्कारकट्टी गाँउपालिकाले दोसल्लार र कदरपत्र सहित सम्मान गरको छ ।
सखुवानन्कारकटि गाँउपालिकामा आधारभूत अस्पताल नभएकाले अस्पताल निर्माणका लागि जग्गा दाता खोजी भईरहेको बेला उहाँहरुले जग्गा दिएर पुन्यको कार्य गरेको गाँउपालिका अध्यक्ष केदारनाथ यादवले जानकारी दिए । उनलेभने, ‘पालिकामा अस्पताल निर्माणको लागि जग्गा चाहिएको थियो, हामीले खोज्ने कामपनि गरिरहेका थियौं । उहाँहरुले जग्गा दान गर्नुभएर राम्रो काम गरेको छ । त्यसैले पालिकाले सम्मान गरेका हुन् ।’
पलिकामा अस्पताल नभएकाले सामान्य विरामीको उपचारमालागि समेत स्थानीय १० किलोमिटर टाढा लहान जानुपर्ने बाध्यता रहेकाको छ । अस्पताल निर्माणपछि ग्रामीण भेगका जनतालाई राहत हुने अध्यक्ष यादवले बताए ।
