फाइल फोटो ।
जनकपुर, २२ मंसिर । प्रदेश २ मा ३० प्रतिशतले कोरोना बिरुद्ध बिरुद्धको पुर्ण खोप लगाएका छन् । प्रदेश २ को ८ वटै जिल्लामा मङ्सिर २१ गतेसम्म ३० दशमलव ४३ प्रतिशत नागरिकले पूर्ण खोप लगाएको प्रदेश २ स्वास्थ्य निर्देशनालयले जनाएको हो ।
सप्तरीमा ३० दशमलव ३१, सिरहामा २९ दशमलव ५७, धनुषामा ३२, महोत्तरीमा २७ दशमलव ७४ प्रतिशत, सर्लाहीमा ३४ दशमलव ५४, रौटहटमा २९ दशमलव ४१, बारामा ३० दशमलव ६४ र पर्सामा २७ दशमलव ७५ प्रतिशतले कोभिड १९ विरुद्धको पूर्ण खोप लगाएको प्रदेश २ का स्वास्थ्य निर्देशक विजय झाले जानकारी दिए ।
कोरोना भाइरसको सङ्क्रमण कायमै रहेपनि ग्रामिण भेगमा अझै कोरोना बिरुद्धको खोप लगाउन डराईरहेकाले प्रदेश २ मा मात्र ३० प्रतिशत नागरिकले कोरोना बिरुद्धको पुर्ण खोप लगाएको निर्देशक झाको भनाई रहेको छ ।
यस्तै कोरोना भाइरस नयाँ स्वरुपमा भारतमा फैलिन थालेपछि नेपाल–भारत प्रवेश नाकामा ‘हेल्थ डेस्क’ सञ्चालन गरिएको छ । सीताराम विवाह पञ्चमी महोत्सवमा भारतबाट आउने साधुसन्त र सर्वसाधारण श्रद्धालु भक्तजनका लागि सीमानाकामा ‘हेल्थ डेस्क’ सञ्चालन गरिएको हो ।
