सुरेश राय
सिरहा, ३० असोज । सिरहामा इनारमा डुवेको अवस्थामा एक किशोरको शव फेला परेको छ । गोलबजार नपा ८ भाइजिटोलका करिव भुनेश्वर महतोको १७ वर्षिय सत्रुधन महतोको सिरहाकै नरहा गापा ३ नयाँ चोहर्वाको इनारमा डुविरहेको अवस्थामा आज विहान फेला परेको हो ।
दशैंको अवसरमा आयोजित झिझिया नाच राती गएका महतो आज विहान मृत भेटिएको हो । मेलामा राती झडडा भएको बेलामा भाग्ने क्रममा इनारमा झरेको हुन सक्ने स्थानीयले अनुमान गरेको छ ।
मेलामा रातीय दुई युवा समूहविच विवाद भएको स्थानीय रामभरोस यादवले जानकारी दिए ।
उनी गाउँकै जनता नमुना माध्यमिक विद्यालयका कक्षा ११ मा अध्ययरत रहेको बताईको छ ।
शव इनारबाट निकाल्ने प्रयास भईरहेको प्रहरीले जनाएको छ । घटनाबारे पनि अनुसन्धान भईरहेको जनाएको छ ।
