फाईल फोटा ।
गमक पोष्ट समाचारदाता / तनहुँ, २५ असोज । चितुवको आक्रमणबाट तनहुँमा एक बालिकाको मृत्यु भएको छ । बन्दीपुर गाउँपालिका ५ बाहुनभञ्याङकी नौ वर्षीया बालिका स्वीकृति थापा मगरको सोमबार साँझ चितुवाले आक्रमण गर्दा मृत्यु भएको हो ।
छिमेकीको घर जाने क्रममा बाटोमा चितुवाले आक्रमण गर्दा बालिकाको मृत्यु भएको वडा अध्यक्ष ध्रुवप्रसाद लामिछानेले बताए । उनको शव जंगलमा फेला परेको बताइएको छ ।
बालिकाको घाँटीमा चोट देखिएको वडा अध्यक्ष लामिछानेले बताए । तनहुँमा चार वर्षदेखि चितुवाको आक्रमण बढेको छ । चार वर्षको अवधिमा ११ जना बालबालिकाको चितुवा आक्रमणमा मृत्यु भएको छ ।
