गमक पोष्ट समाचारदाता / धनकुटा, २० असोज । धनकुटाको पाख्रीवासमा गुडिरहेको बसबाट खस्दा सहचालकको मृत्यु भएको छ । भोजपुरबाट धरानतर्फ आउँदै गरेको बा.२ ख ५८४० नम्बरको बसबाट आज अपरान्ह खस्दा बसका सहचालक भोजपुर नगरपालिका ११ आम्तोकका १७ वर्षीय धनबहादुर पाठकको मृत्यु भएको हो ।
पाख्रीवास नगरपालिका–४ रिङकिङ डाँडामा गुडिरहेको बसको ढोकाबाट खसेर गम्भीर घाइते भएका पाठकलाई उपचारको लागि जिल्ला अस्पताल धनकुटा ल्याउँदै गर्दा बाटोमै मृत्यु भएको जिल्ला प्रहरी कार्यालय धनकुटाका डीएसपी दीपककुमार रायले जानकारी दिए ।
पाठकको शव पोष्टमार्टमको लागि जिल्ला अस्पतालमा राखिएको छ । घटना पछि बस र चालक प्रहरी नियन्त्रणमा लिएको छ । घटनाबारे आवश्यक अनुसन्धान भइरहेको प्रहरीले जनाएको छ ।
