गमक पोष्ट समाचारदाता / सप्तरी, १६ भदौ । सप्तरी प्रहरीले लागुपदार्थ ब्राउन सुगरसहित एक युवकलाई पक्राउ गरेको छ । प्रतिवन्धित लागु पदार्थ ब्राउन सुगरसहित सप्तरीको हनुमाननगर कंकालिनी नगरपालिका ८ योगिनियाँ निवासी २५ बर्षीय धिरेन्द कुमार यादवलाई पक्राउ गरेको प्रहरीले जनाएको छ ।
गोप्य सूचनाको आधारमा यादवको घर छापामारी गर्दा १ सय २५ ग्राम ब्राउनसुगर बरामद् भएको प्रहरीको भनाई छ । घर नजिकैको धान खेतमा लुकाएर राखिएको अवस्थामा सो ब्राउनसुगर बरामद भएको र यादवमाथि थप अनुसन्धान भइरहेको प्रहरीले जनाएको छ ।