गमक पोष्ट समाचारदाता / बर्दिवास, ८ भदौ । पूर्व–पश्चिम राजमार्ग अन्तर्गत महोत्तरीको लक्ष्मीनिँया वनक्षेत्रमा सडक दुर्घटनामा परी एक जनाको मृत्यु भएको छ । पूर्वबाट पश्चिमतर्फ जाँदै गरेको ज ४ प २७०० नम्वरको मोटरसाइकललाई विपरित दिशाबाट आईरहेको ना ३ ख ८८०० नम्वरको तेल ट्याङ्करले ठक्कर दिँदा मोटरसाइकलमा सवार धनुषाको मिथिला नगरपालिका ३ का ३३ वर्षिय धनपैत महतोको मृत्यु भएको हो ।
महतोसँगै मोटरसाइकलमा पछाडि बसेका सर्लाही हरिओन नगरपालिकाको अत्रौलीका १३ वर्षीय नवीन महतो गम्भीर घाइते भएको इलाका प्रहरी कार्यालय बर्दिवासले जनाएको छ ।
दुर्घटनामा परी घाइते भएका दुवैलाई तत्काल उद्धार गरी बर्दिवास १४ स्थित शुभ स्वस्तिक अस्पताल पु¥याइएको थियो । अस्पताल पुगेलगतै चिकित्सकले धनपैतको मृत्यु भएको घोषणा गरेका इप्रका बर्दिवासका प्रहरी नायब उपरीक्षक वीरेन्द्र थापाले बताए ।
अर्का घाइते नवीनलाई थप उपचारका लागि प्रादेशिक अस्पताल जनकपुरधाम पठाइएको छ ।
