गमक पोष्ट समाचारदाता / सिरहा, ७ भदौ । पुर्व पश्चिम राजमार्ग अन्तर्गत सिरहाको मिर्चैया नगरपालिका ५ संस्था चौकमा साईकलबाट लडेर एक जनाको मृत्यु भएको छ । पूर्वबाट पश्चिमतर्फ साइकलमा जाने क्रममा लडेर घाइते भएका धनुषा गोदारका करिव ४५ वर्षिय सरेन्द्र बस्नेतको उपचारको क्रममा मृत्यु भएको हो ।
साइकलबाट लडेका बस्नेतलाई स्थानीय र प्रहरीको सहयोगमा उपचारको लागि प्रथमिक स्वास्थ्य केन्द्र मिर्चैया पुर्याइएपनि उपचारको क्रममा मृत्यु भएको प्रहरीले जनाएको छ । शव अहिले प्राथमिक स्वास्थ्य केन्द्र मिर्चैयामा राखिएको छ । भखैरै उनका छोरा सम्पर्कमा आएकाले थप बुझ्ने कार्य भईरहेको प्रहरीले बताए ।
