गमक पोष्ट समाचारदाता / सिरहा, २८ साउन । सिरहा प्रहरीले लागुऔषध सहित एक युवकलाई नियन्त्रणमा लिएको छ । इलाका प्रहरी कार्यालय लहानबाट खटिएको प्रहरी टोलिले स.१ ह ६२५ नम्वरको सिटि रिक्सा चेकजाँच गर्नेक्रममा रिक्साको पछाडि सिट मुनि कालो प्लाष्टिकको झोलामा लुकाई राखीएको लागु औषध सहित सखुवान्नकारकट्टि गापा ३ परिहारपुरका ३० वर्षिय घुरन यादबलाई नियन्त्रणमा लिएको हो ।
फेनारगन ९७ एम्पुल, नोफिन ९७ एम्पुल, डाईजिल्याप ९७ एम्पुल गरी जम्मा २ सय ९१ एम्पुल लागु औषध सहित पक्राउ गरेको जिल्ला प्रहरी कार्याल्य सिरहाका सूचना अधिकारी शुवास बुढाथोकीले जानकारी दिए । पक्राउ परेका यादवलाई हिरासतमा राखि थप अनुसन्धान भईरहेको जनाएको छ ।
