गमक पोष्ट समाचारदाता / सप्तरी, २७ साउन । पूर्व–पश्चिम राजमार्ग अन्तर्गत सप्तरीको हनुमाननगरमा विपरित दिशाबाट आईरहेको गाडी एक आपसमा ठोकिँदा एकजनाको मृत्यु भएको छ । कंकालिनि नगरपालिका १ भारदह कंकालिनि मन्दिर नजिक सेनाको १८ नं. बाहिनि गाईघाट उदयपुरको प्रदेश नं. ३–०१–००१ ग ३७२५ नम्वरको गाडी र विपरित दिशा बाट जादै गरेको मे १ च ६९२५ नं. को पिक अप गाडी एक–आपसमा ठकिंदा पिकअप चालक झापा दमकका ४२ वर्षिय मेघराज शर्माको घटना स्थलमा मृत्यु भएको हो ।
दुर्घटनामा दुवै गाडीमा सवार अन्य २ जना घाईते भएको छ । उनीहरुको स्थानीय स्वास्थ्यसंस्थामा उपचार भईरहेको जिल्ला प्रहरी कार्यालय सप्तरीका सूचनाअधिकारी डिएसपि माधव प्रसाद काफ्लेले जानकारी दिए । यता सवारी दुर्घटनामा वन्टन गाडी र चालक प्रहरीको नियन्त्रणमा रहेको सप्तरी प्रहरीले जनाएको छ । घटनाबारे अनुसन्धान भईरहेको जनाएको छ ।
