गमक पोष्ट समाचारदाता / रौतहट, २५ साउन । पूर्वपश्चिम महेन्द्र राजमार्ग अन्तर्गत रौतहटको चन्द्रपुर नगरपालिका १ नुनथरमा बोलबमका तीर्थालु बोेकेको गाडी दुर्घटना भएपछि एक महिलाको मृत्यू भएको छ । ना. ५ च. ३६६६ नम्बरको बोलेरो पिकअप अनियन्त्रितभई नुनथर नजिकैको बागमती सिंचाइको नहरमा खस्दा गाडीमा सवार बारा गढिमाईकी ४५ वर्षीया मीनादेवी कोइरीको मृत्यू भएको हो ।
सडकभन्दा ५० मिटर तल नहरमा गाडी खसेस्दा त्यसमा सवार अन्य पाँच जना घाइते भएको प्रहरीले जनाएको छ । बारा जिल्लाको महागढीमाई नगरपालिकाबाट जलभर्न नुनथरमा रहेको बागमती नदी गएको बेला गाडी दुर्घटनामा परेको प्रहरीले जनाएको छ ।
गाडीमा सवार २० जना मध्ये बाँकीको अवस्था समान्य रहेको छ । घाइतेहरुको स्थानीय स्वास्थ्ययकेन्द्रमा उपचार भईरहेको जनाएको छ ।
