गमक पोष्ट समाचारदाता / सप्तरी, २० साउन । सप्तरीमा एक दलित युवकको शव फेला परेको छ । सप्तरीको खडक नगरपालिका ३ गरुराहा टोलका मुक्ति रामका २५ वर्षीय छोरा श्यामसुन्दर राम घर देखि करिव ५० मिटर पर मृत अवस्थामा फेलापरेका हुन् ।
घरबाट अधिल्लो दिन बेलुकै हिडेका श्यामसुन्दरको शव आज विहान नालामा भेटिएको प्रहरीले जनाएको छ । उनको मत्युसंकास्पद रहेको बताइएको छ । परिवारजनले श्यामसुन्दरलाई हत्या गरेर नालामा फालिएको दाबी गरेका छन् ।
परिवारजनले घटनाको अनुसन्धान गरी दोषीलाई कानुनी दायरामा ल्याउन प्रहरीसँग आग्रह गरेका छन् । यता, जिल्ला प्रहरी कार्यालय सप्तरीका सूचना अधिकारी डीएसपी माधवप्रसाद काफ्लेले शव पोष्टमार्टमका लागि राजविराज ल्याईएको जनाएको छ । घटनाबारे थप अनुसन्धान सुरुभईसकेको बताइएको छ ।
मृतक श्यामसुन्दरका पत्नी र साढे दुई वर्षीया छोरी छन् । मदिर सेवन गरी लडढेर मृत्यु भएको हुनसक्ने प्रहरीको प्रारम्भिक अनुमान रहेको छ ।
