गमक पोष्ट समाचारदाता / बारा, १२ साउन । बारा प्रहरीले हात्तीको दाह्रा सहित तीन जना युवकलाई पक्राउ गरेको छ । पूर्वपश्चिम राजमार्ग अन्तर्गत बाराको जितपुरसिमरा उपमहानगरपालिका २२ को २ नम्बर पुल नजिक जर्गा होटल अगाडिबाट निजगढ नगरपालिका–११ रतनपुरका ३४ वर्षीय सूर्यप्रसाद तामाङ, ३५ वर्षीय दिलबहादुर घलान र मकवानपुरको हेटौंडा नगरपालिका १३ पदमपोखरीका ३५ वर्षीय सुवास तामाङलाई प्रहरीले पक्राउ गरेको हो ।
पूर्वपश्चिम राजमार्ग अन्तर्गत बाराको जितपुरसिमरा उपमहानगरपालिका–२२ स्थित २ नम्बर पुल नजिक जर्गा होटल अगाडिबाट उनीहरुलाई प्रहरीले नियन्त्रणमा लिएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिए ।
प्रहरीलाई शंकालागि टांैडाबाट पथलैयातर्फ आउँदै गरेको ना ५० प १२२७ नम्बरको मोटरसाइकल रोकी चेकजाँच गर्नेक्रममा पछाडि बसेका सूर्यप्रसादले प्लाष्टिकको बोरामा लुकाइछिपाई राखेको हात्तीको दाह्रा फेला परेपछि उनीहरुलाई नियन्त्रणमा लिएको जिल्ला प्रहरी कार्यालय बाराका सूचना अधिकारी डिएसपी गौतम मिश्रले जानकारी दिए ।
हात्तीको दाह्रासहित पक्राउ परेका तीनै जनालाई आवश्यक कारबाहीका लागि पर्सा राष्टिय निकुञ्ज कार्यालयमा पठाइएको छ ।
