गमक पोष्ट समाचारदाता / वीरगञ्ज, ११ साउन । पर्सा प्रहरीले अवैध लागु औषधसहित एक युवकलाई पक्राउ गरेको छ । वीरगञ्ज महानगरपालिका १६ ईनर्वा गाउँ चौताराबाट प्रहरीको मोटरसाइकल (क्युआरटी) टोलीले वीरगञ्ज महानगरपालिका २४ रामगढवाका २६ वर्षीय अफरोज मियाँ अन्सारीलाई पक्राउ गरेको हो ।
शंकास्पद अवस्थामा पैदल हिँडीरहेका अन्सारीलाई चेकजाँच गर्दा तरकारीको झोलाभित्र नुर्फिन २ सय एम्पुल, डाइजेपाम २ सय एम्पुल र फेनारगन २ सय एम्पुल गरी जम्मा ६ सय एम्पुल लागुऔषध फेला परेको पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले बताए ।
खनालका अनुसार अन्सारीविरुद्ध लागु औषध सम्बन्धी कसुरमा अनुसन्धान भइरहेको छ ।