गमकपोष्ट समाचारदाता / लहान, १० साउन । सिरहाको धनगढीमाई नगरपालिका–५ मा रहेको तिनकोनी गाउँ भौतिकतवरले रुप फेर्दै गएको देखिन्छ । देशमा गणतन्त्र आएपछि स्थानीय सरकारलाई प्राप्त अधिकारको आधारमा ग्रामीण भेगको परिवेश फेरिन थालिएको देखिएको छ ।
प्रदेश सरकार समृद्धि कार्यक्रम अन्तर्गत जनता माध्यमिक विद्यालय तिनकोनीमा प्राविधिक शिक्षाको लागि नयाँ आधुनिक डिजाइनको भवन एवम् कक्षा संचालन, बाल–बालिकाको अध्ययन र खेलकुदको लागिविशेष व्यवस्था तथा आधुनिक शिक्षण प्रणालीको माध्यमबाट तिनकोनीले शैक्षिक वातावरणको माध्यमबाट रुप फेर्दै गएको देखिन्छ । हाल प्राविधिक विद्यालयमा कृषि विज्ञान, पशु विज्ञान, कम्प्युटर इन्जिनियरिङ्ग र योगाको कक्षा संचालनक्रममा रहेको बताइएको छ । यस विवरणमा ग्रामीण क्रियाकलापको केही झलकहरु समेत देखिएको छ । हेर्नुहोस् तस्वीरहरु.....
