गमक पोष्ट समाचारदाता / सिरहा, ४ साउन । सिरहा प्रहरीले लागुऔषध सहित एक युवकलाई नियन्त्रणमा लिएको छ । हरकटी प्रहरी चौकीबाट खटिएको प्रहरीले औरही गापा १ दरहैयाबाट चेकजाँचको क्रममा सिरहको गोलबजार नपा ५ असनपुरका २२ वर्षिय दुखी सिंहलाई लागूऔषध नाईट्रोभेट ट्याबलेट एक सय २० पीस सहित नियन्त्रणमा लिएको हो ।
प्रहरीलाई शंकालागी ज. ३ प २६६६ नम्वरको मोटरसाइकलमा सवार सिंहकोलाई चेकजाँच गर्दा मोटरसाइकलको हेलमेटमा लुकाई राखेको अवस्थामा लागुऔषध फेला परेको जिल्ला प्रहरी कार्यालय सिरहाका सूचना अधिकारी शुभाष अधिकारीले जानकारी दिए । नियन्त्रणमा लिई घटना सम्बन्धमा थप अनुसन्धान कार्य भईरहेको जनाएको छ ।
लकडाउनको समयमा पनि सिरहाका विभिन्न नाकाहुँदै लागुऔषध कारोेवारीहरुले कारोवार जारी राखेको देखिन्छ ।
