गमक पोष्ट समाचारदाता / राजविराज, ९ जेष्ठ । सप्तरीको डाक्नेश्वरी नगरपालिकाको रणजीतपुरमा आज अपरान्ह आगलागी हुँदा पाँच घर जलेर नष्ट हुदा करिव २० लाख मूल्यवरारको धनमाल खरानी भएको छ । डाक्नेश्वरी नगरपालिका १० रन्जितपुरका भरत चौधरीको परालको टालबाट (गुन्यु) सुरु भएको आगोले उनको एउटा घर, छिमेकी बन्हु चौधरी, उमाकान्त चौधरी, शोभाकान्त चौधरी र लक्ष्मीकान्त चौधरीको एक÷एक वटा घर जलेर नष्ट घरमा रहेको सम्पूर्ण सामाग्री जलेर नष्ट भएको हो ।
अग्निपीडित बन्हु चौधरीले घर निर्माण गर्न घरमा राखिएको छ लाख नगद, १२५ सिसिको डिसकोभर मोटरसाइकल र घरको सम्पूर्ण सरसमान जलेर खरानी भएको अग्निपिडत शोभा कान्त चौधरीले जानकारी दिए ।
अर्का अग्निपिडित उमाकान्त चौधरीका अनुसार आगलागीमा घरभित्र रहेका तीन÷चार लाखको सुनचाँदीका गहनासहित सरसमान जलेको बताए ।
उक्त आगलागीमा खाद्यन्न लताकपडा, भडार्वतन नगद जिन्सी र घर भित्र रहेको काठ, फर्निचरका समान तथा स्टिलका दराज जलेर खरानी हुदाँ करिब २० लाख मुल्य बराबरको सम्पति क्षति भएको हुनसक्ने इलाका प्रहरी कार्यालय पातोले प्रारम्भिक अनुमान रहेको जनाएको छ ।
स्थानियबासी, प्रहरी र हनुमाननगर कंकालीनी नगरपालिकाका् बारुणयन्त्रको सहयोगमा आगो नियन्त्रणमा लिइएको जनाएको छ ।
