शम्भु चौधरी / सिरहा २९ बैशाख । सिरहाको हरकटटी प्रहरीकै सलग्नतामा नेपालबाट भारत मदिरा लाने गरेको स्थानियले आरोप लगाएका छन् ।
प्रहरी चौकी हरकटटीका ईन्चार्ज विजय सिंहले प्र २.०१००१ च ०२३४ नम्बरको बेलेरो पिकअप भ्यानमा मदिरा लोड गरी बरीयारपटटी गाउपालिका १ दरैयाको बाटो हुदै लगेको पाइएपछि स्थानीइले प्रहरीमाथि आरोप लगाएको हो ।
स्थानीयले संकका लागि रोके पछि पिकअप भ्यानमा ईन्चार्ज आफै बसेको स्थानिय काशि लाल कामैतले बताए । भ्यान रोके पछि स्थानिय र प्रहरी बिच घम्सा घम्सी भएको थियो ।
सोहीक्रममा ईन्चार्ज सिंहले धकेल्दा स्थानिय २३ बर्र्षिय सहदीप कामैतको टाउकोमा गम्भिर चोट लागेको बताइएको छ । स्थानिय युवकले भिडियो बनाउन खोज्दा ईन्चार्ज सिंहले गाली गलौज गर्दै हुत्याइदिएको स्थानिय कामैतले बताए ।
भ्यान रोकिएको ठाउँबाट भारतीय सीमा ३ सय मिटर मात्र रहेको छ ।
माघ महिना प्रहरी चौकीमा आएका सिंह विशेषतः सादा पोशाकमा रहने गरेको छ । यस्तो भाईरसकोे समयमा पसल बन्द गर्न लगाउने, भिडभाड गर्न नदिने जस्ता जनचेतना जगाउदै हिडने प्रहरी राती राती भारत मदिरा ओसारपोसार गर्नु यो कस्तो प्रहरी प्रसाशन हो त्यसैले लाग्छ मलाई यसमा ठुलै पैसाको चलखेल भएको स्थानिय युवक परितोष कुमार यादवले बताए ।
यत सम्बन्धित वडाका वडा अध्यक्ष सुरैत लाल ठाकुरका अनुसार यस घटनाको बारेमा कुनै जानकारी नभएको बताए । प्रहरी ईन्चार्ज सिंहले भनेको छ नि वडा अध्यक्षलाई सोधेको छु त्यो पुरै गलत हो वडा अध्यक्ष ठाकुरले बताए ।
सिरहाका एसपी हिराबहादुर पाण्डेका अनुसार, ‘मदिरा तस्करी गर्न लागेको नभएर एक ठाउँबाट अर्को ठाउँमा ओसार्न लागेको थियो । तर स्थानीय केहि व्यक्तिले अर्थको अनर्थ लगाएर प्रहरीलाई पनि दुव्र्यवहार गर्यो ।’
औरहीको सिमावर्ती गाउँ दरहियामा स्थानीयले मदिरा ओसार्न लागेको गाडी तोडफोड गरेको हो ।
