गमक पोष्ट समाचारदाता / काठमाडौं, २८ बैशाख । नेपालले अन्तर्राष्ट्रिय हवाई उडानमाथिको प्रतिबन्ध तीन साताको लागि थपेको छ । नेपाल नागरिक उड्डान प्राधिकरणले मंगबार सवै बायुवेवा कम्पनीहरुलाई जेष्ठ १७ (३१ मे २०२१) सम्म लम्बिएको जानकारी गराएको हो ।
यसबीचमा भारतसँग सातामा दुई उडान भने निरन्तर रहनेछ । कोरोनाभाइरसको महामारी नियन्त्रण गर्न यसअघि सरकारले वैशाख मसान्तसम्म सेड्युल उडानमाथि प्रतिबन्ध लगाउने निर्णय गरेको थियो ।
सो प्रतिबन्ध लम्ब्याएर सरकारले १७ जेठ पुर्याइएको हो । यसबीचमा एयरलाइन्सहरुले मेडिकल उडान, चार्टर्ड र कार्गो उडानको अनुमति भने पाउने भएका छन् ।
अन्तर्राष्ट्रिय उडान लम्बिएपछि वैदेशिक रोजगारीमा जाने र त्यहाँबाट फर्कने नेपाली प्रत्यक्ष प्रभावित हुनेछन् । नेपालमा पर्वतारोहणको सिलसिलामा रहेका विदेशी पर्यटकको समेत यात्रा प्रभावित हुने भएको छ । काठमाडौंको निषेधाज्ञा जेठ १३ सम्म लम्ब्याइएको छ ।
