गमक पोष्ट समाचारदाता / धनुषा, १८ बैशाख । धनुषाको टिल्हीमा घरायसी विवादमा श्रीमतीको कुटाईबाट श्रीमानको मृत्यु भएको छ । हंसपुर नगरपालिका ६ टिल्हीका २५ वर्षीय शम्भु मण्डलको उनकै श्रीमतीको धारिलो हतियार प्रहारबाट मत्यु भएको जिल्ला प्रहरी कार्यालय धनुषाका प्रहरी उपरीक्षक प्रकाश रानाभाटले जानकारी दिए।
शुक्रबार मध्यराति भएको विवादमा मण्डललाई २३ वर्षीय श्रीमती सुशिलादेवी मण्डल, भाइहरु जय मण्डल र अनिल मण्डलले कुटपिट गर्दै धारिलो हतियार प्रहारबाट मृत्यु भएको प्रहरी उपरीक्षक रानाभाटले बताए । मृतक मण्डलको घाँटी र शरीरको विभिन्न भागमा काटिएको छ ।
कुटपिटबाट मण्डलको मृत्युपछि पत्नी र भाइहरु फरार भएका छन् । प्रहरीले घटनाबारे आवश्यक अनुसन्धान गरिरहेको छ ।
