गमक पोष्ट समाचारदाता / काठमाडौं, १७ बैशाख । नेपालमा एकैदिन पाँच हजार सात सय २७ जनामा कोरोना सङ्क्रणण पुष्टि भएको छ । १५ हजार तीन सय ९१ जनाको पीसीआर परीक्षण गर्दा पाँच हजार ६ सय ५७ जना र पाँच सय २५ जनाको एन्टिजेन परीक्षण गर्दा ७० जना गरी पाँच हजार सात सय २७ जनामा कोरोना सङ्क्रणण पुष्टि भएको हो । एकैदिनमा नयाँ सङ्क्रमण पुष्टि हुनेको यो सङ्ख्या अहिलेसम्मकै धेरै हो ।
आज थपिएकासहित नेपालमा तीन लाख २३ हजार एक सय ८७ जनामा कोरोना सङ्क्रमण पुष्टि भएको छ । अहिले नेपालमा ३८ हजार आठ सय १३ जना सक्रिय सङ्क्रमित छन् ।
सोही अवधिमा कोरोना भाइरसको सङ्क्रमणबाट थप ३३ जनाको मृत्यु भएको छ । पछिल्लो २४ घण्टामा २८ जनासहित थप ३३ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ । योसहित नेपालमा कोरोना सङ्क्रणबाट मृत्युहुनेको सङ्ख्या तीन हजार दुई सय ७९ पुगेको छ ।