गमक पोष्ट समाचारदाता / धनुषा, १२ बैशाख । धनुषामा ग्रामीण सडकमा दुई मोटरसाइकल एक आपसमा ठोकि एकै गाउँका दुई युवकको मृत्यु भएको छ । धनुषाको मिथिला नगरपालिका ८ कुसुमविसौनामा प्रदेश २–०२–००२ प ६०३६ र प्रदेश २–०२–००३ प २८७७ मोटरसाइकल आइतबार अपरान्ह ठोकिदा स्थानीय २० वर्षीय भोला महतो र २६ वर्षिय सुनिल शर्माको मृत्यु भएको हो ।
तिव्रगतिमा चलाएको दुई मोटरसाइकल एक आपसमा ठोक्किँदा भएको इलाका प्रहरी कार्यालय ढल्केबरका प्रहरी निरीक्षक प्रदिप सुवेदीले जानकारी दिए । दुर्घटनामा मृत्यु हुने दुबै मोटरसाइकल चालक हुन् । दुर्घटनामा परी गम्भिर अवस्थामा अस्पताल लगिएपनि उनीहरुको बाटोमौ मत्यु भएको जनाएको छ ।
दुर्घटनामा प्रदेश २–०२–००३ प २८७७ नम्बरको मोटरसाइकलमा पछाडि सवार वर्ष २५ को संन्तोष महतो समेत गम्भीर घाइते रहेका छन् । उनको उपचार लालगढस्थित मोडेल अस्पतालमा भइरहेको छ ।
दुबैजनाको शव पोस्टमार्टमको लागि प्रादेशिक अस्पताल जनकपुर लगिएको छ ।
