गमक पोष्ट समाचारदाता / सिन्धुली, १० बैशाख । वर्दिवास काठमाडौं सडक अन्तर्गत सिन्धुलीको कमलामाई नगरपालि १४ चन्दनपुरमा शुक्रबार दिउँसो मोटर साइकल दुर्घट्ना हुँदा मोटरसाइकलमा सवार तीन जनाको मृत्यु भएको छ । दुर्घटनामा दुधौली नगरपालिका–४ डकाहाका २६ वर्षीय यमकुमर दनुवार र उनका भतिजा १३ वर्षीय आशिष कुमरको घटनास्थलमा नै मृत्युभएको जिल्ला प्रहरी कार्यालय, सिन्धुलीले जनाएको छ ।
जिल्ला प्रहरी कार्यालय, सिन्धुलीका प्रहरी नायव उपरीक्षक मनोजकुमार लामाले दुर्घट्नामा परी घाइते भएका नौ वर्षीय अतिद कुमर दनुवारको उपचारका लागि सिन्धुली अस्पताल ल्याउँदैगर्दा बाटोमै मृत्युभएको बताएको छ। अस्पताल पुर्याएपनि उनलाई मृत घोषणा गरिएको थियो ।
कमलामाई नगरपालिकाको भिमानबाट दुधौलीतर्फ जाँदै गरेको प्रदेश २–००१ प २१६३ नम्बरको मोटरसाइकल अनियन्त्रित भइ दुर्घट्ना भएको जिल्ला प्रहरी कार्यालय, सिन्धुलीले जनाएको छ । मृतक यम कुमर जिल्ला प्रहरी कार्यालय, सर्लाहीमा प्रहरी जवान पदमा कार्यरत रहेको बताइएको छ ।
