सुरेश राय / सिरहा, ३१ चैत । धनगढीमाई नगरपालिकाका प्रमुख हरिनारायण चौधरीले स्थानीय तह गठनको ४ वर्ष वितिसक्दापनि पशु स्वास्थ्यलाई व्यवस्थित ढङ्गले सञ्चालन गर्न नसकिएको बताए । जनता माध्यमिक (प्राविधिक) विद्यालय तीनकोनिमा आयोजित नेपाल पारा भेटेरीनरी एण्ड लाइभष्टक एशोसियसनको १० औं जिल्ला अधिवेशनको उद्घाटन गर्दै प्रमुख चौधरीले पशु स्वास्थ्यलाई व्यवस्थित र व्यवसायीक बनाउन आफूले गरेको कोशिषले व्यवस्थित हुन नसकेको बताएको हो ।
नयाँ प्रविधि र ज्ञानलाई लात्मसाथ गर्दै र पुरानाहरुको अनुभवलाई अवलम्वन गर्दै पशु स्वास्थ्य सेवालाई आधुनिक बनाउनु पर्ने मेयर चौधरीले बताए । उनले अहिले पुरानाले नयाँलाई नस्वीकार्ने र नयाँले पुरानाहरुको अनुभवहरुलाई वेवास्ता गर्दा यसले चाहेजस्तो काम गर्न नसकेको बताए ।
कृषि पेसालाई अव व्यसायीक र आधुनिकीकरण गर्नुपर्ने बताउँदै मेयर चौधरीले त्यसका लाग पशु प्राविविधिकहरुको महत्वपूर्ण योगदान रहने बताए । उनलेभने, ‘अव घरमा दुईवटा भौंसी पाल्ने, अलिकति खेति गर्ने, सानो व्यसाय पनि गर्ने पुरानो तरिकाले हुँदैन पशु पालमा नै व्यसायीक ढङ्गले लग्नुपर्ने हुन्छ, त्यसलेमात्र कृषिमा आकर्षण बढ्छ ।’
सोही क्रममा कर्जन्हा नगरपालीकाका मेयर गंगा पासवानले जिल्ला अधिवेशनमा ठूलो संख्यामा पशु चिकित्सक, प्राविधिकहरुको उपस्थितिले आफू खुसी भएको बताए । उनले देश बनाउने जिम्मा हामी सवैको भएको भन्दै सँगै मिलेर अगाढीबढ्न अनुरोध गरे ।
अधिवेश उद्घाटन समारोहमा एशोसियसनका केन्द्रिय अध्यक्ष रामप्रसाद महतोले किसानको मुहारमा खुसीआएमात्र हाम्रो अवस्थामा सुधार आउने बताए । उनले आफूहरु सोझै किसानसँग जोडिएको संस्था वा व्यवसाय भएकाले पहिलो प्राथमिकता किसानलाई खुसी पार्नु रहेको बताए । उनले किसानको पशु राम्रो भए हाम्रो व्यसाय त्यसै फष्टाउने बताए ।
उनले २०४७ सालमा स्थापना भएको एशोसियसन स्थापना काल देखिनै किसानको सेवामा सक्रिय रहेको सुनाए । देशैभरको सवै स्थानीय तहसम्म कमिटी रहेको यस एशोसियसनमा ३० हजार सदस्य रहेको बताए । उनले त्यस मध्ये ८० प्रतिशत सधै किसानकै सेवामा खटिने गरेको पनि जिकिर गरे ।
उद्घाटन समारोहमा एशोसियसनका जिल्ला अध्यष महेश रायले आफ्नो पालामा भएका गतिविधि सहितका प्रतिवेत प्रस्तुत गरेका थिए । अधिवेशनमा जिल्ला भरीका पशु चिकित्सक तथा प्राविधिकहरुको सहभागीता रहेको थियो ।
सोही अवसरमा अवकाश प्राप्त अग्रज व्यक्तित्वहरुलाई सम्मान गरेका थिए । सम्मानित हुनेहरुलाई मेयर हरिनारायण चौधरीले कदर पत्र सहित सम्मान गरेका थिए ।
