गमक पोष्ट समाचारदाता / सिरहा, ३१ चैत । सिरहाको लहानमा ट्याक्टरले किच्दा एक वालकको मृत्यु भएको छ । स.१ त ६२७९ नम्बरको ट्याक्टरले किच्दा गम्भीर घाइते लहान १९ का अजय यादवको अढाई वर्षीय छोरा आशिक यादव उपचारको क्रममा मृत्यु भएको हो ।
लहान–ठाडी सडक खण्डमा अन्तर्गत लहान १९ घर अगाडी खेलिरहेका वालकलाई ट्याक्टरले किचेर गम्भिर अवस्थामा उद्धार गरि उपचारका लागि राम कुमार उमा प्रसाद स्मारक अस्पतालमा लागेका थिए । अस्पतालले प्राथमिक उपचार पश्चात थप उपचारका लागि विराटनगर लैजाने क्रममा बाटोमा नै वालकको मृत्यु भएको बताइएको छ । ट्याक्टरका चालक घटना पश्चात फरार भए पनि केहि बेर पछि पक्राउ परेको प्रहरीले जनाएको छ । ट्याक्टर र चालकलाई प्रहरीले नियन्त्रणमा लिएर थप अनुशन्धान गरिरहेको ईलाका प्रहरी कार्यलय लहानका डिएसपी डा.तापन कुमार दाहालले बताए ।
