गमक पोष्ट समाचारदाता / सिरहा, २६ चैत । नेपाल पत्रकार महासंघ सिरहा शाखा अध्यक्षमा मनोज कुमार यादव (बनैता) को प्यानल विजयी भएका छन् । बुधबार सन्पन्न निर्वाचनमा ४५ मत ल्याएर यादव अध्यक्षमा विजयी भएका हुन् । उनका प्रतिद्वन्द्वी हिरालाल चौधरीले ३८ मत प्राप्त गरेका थिए । प्यानलको उपाध्यक्षमा गणेश प्रसाद साहले ४३ मत ल्याउँदै निर्वाचित भएका छन् भने उनका प्रतिद्वन्द्वी जिबछ यादवले ३९ मत पाएका छन् ।
त्यस्तै, महिला उपाध्यक्षमा रिंकुकुमारी दास, सचिवमा शिवदयाल यादव विजयी भएका छन् । सहसचिव खुल्लामा राजेन्द्र महतो, दुर्गा परियार, कोषाध्यक्षमा वीरेन्द्रप्रसाद नेपाल विजयी भएका छन् । खुल्ला सदस्यहरूमा दिनेशकुमार दास, वीरेन्द्र यादव, हरिभक्त लामा र श्रीनारायण यादव विजयी भइका छन् ।
यस्तै समावेशी सदस्यमा ४८ मतसहित सुरेन्द्रकुमार कामती विजयी विजयी भएका छने । केन्द्रीय परिषद् सदस्यमा चन्द्रदेव कामती, जयनारायण यादव र दिनेशप्रसाद गुप्ताले प्राप्त गरेर विजयी भएका छन्। सिरहामा हाल प्रदेश र केन्द्रका लागि परेको मतको गणना जारी छ ।
