गमक पोष्ट समाचारदाता / सिरहा, २१ चैत । साना शहरी खानेपानी तथा सरसफाई उपभोक्ता संस्था मिर्चैयाको अध्यक्षमा अंजय साहको प्यानल निर्वाचित भएका छन् ।
निकटतम प्रतिद्धन्दी राजेन्द्र कुमार साहलाई २ सय ४८ मतान्तरले पराजित गर्दै अंजय निर्वाचित भएका हुन् ।
अध्यक्षमा राजेन्द्र र अंजयबीच कडा प्रतिष्पर्धा हुने अनुमान गरिएपनि अंजय फराकिलो मतान्तरसहित विजय भएका छन्।
अंजयले ९ सय ३ मत प्राप्त गरेका छन् भने निकटतम प्रतिद्वन्ंद्वी राजेन्द्रले ६ सय ५५ मत ल्याएका छन् । त्यसैगरी, अध्यक्ष पदका अर्का उम्मेद्वार रामलोचन साहले २ सय ५३ मत प्राप्त गरेका छन् ।
यस्तै, ७ सय ९७ मत प्राप्त गरि जिवछ पासवान उपाध्यक्षमा विजयी भएका छन् भने ७ सय ७५ मत प्राप्त गरि सचिवमा टिकाराम पोखरेल विजयी भएका छन् ।
८ सय ४१ मत प्राप्त गरि कोषाध्यक्षमा रिता देवी साह र ८ सय १२ मत प्राप्त गरि सह सचिवमा गंगा प्रसाद साहले विजय हाँसिल गरेका छन् ।
त्यसैगरि, महिला सदस्यमा रामजीदेवी मण्डलले ८ सय ३५ र बिमल कुमारी महराले ८ सय ३१ मत प्राप्त गरि विजयी भएका छन् ।
खुल्ला सदस्यमा शिवजी रायले ८ सय ५४ र रशिक शेखले ७ सय ६८ मत प्राप्त गरि विजयी भएका हुन् ।
सवै उम्मेद्वारहरुले आफ्नो जीत सुनिश्चितताका लागि सवैखालका प्रयासहरु गरेको बताइएको छ । निर्वाचनमा उम्मेद्वारहरुको तर्फबाट ठूलो रकम खर्च भएको पनि बताइएको छ ।
