सुरेश राय \ सिरहा, १६ चैत । पूर्व–पश्चिम सिरहाको गोलबजार नपा ८ पुरानो चोहर्वामा पूर्वबाट पश्चिमतर्फ गईरहेको ट्रक र विपरित दिशाबाट आईरहेको मोटरसाइकल एक–आपसमा ठोकिदा एक जनाको हात टुक्रियको छ ।
दूर्घटनामा ना. ३ ख ४७७४ नम्वरको ट्रकमा प्रदेश २–०१–००२ प ५४०९ नम्वरको मोटरसाइकल ठोकिंदा सिरहाको कर्जन्हा नपा ६ वडहरामालका करिव २५ वर्षिय मुकेश कुमार दासको दाहिले हात चुढिएको हो ।
उनको चुडिएको हात दुर्घटनाको १२ घण्डापछि सय मिटर पर फोहरको थुप्रोमा भेटिएको हो । उनको विराटनगरमा उपचार भईरहेको छ । ट्रक र त्यसका चालक प्रहरीको नियन्त्रणमा रहेको इलाका प्रहरी कार्यालय गोलबजारका प्रमुख इन्सपेक्टर सन्तोष कुमार राईले जानकारी दिए ।
घटनास्थलमा कटुवा पेस्तोल र गोली भेटियो
प्रहरीले घटनास्थलबाट एक थान कटुवा पेस्तोल र दुई राउण्ड गोली बरामद गरेको छ । प्रहरीले घटनास्थलमै पेस्तोल र उपचारमा मुकेशको साथबाट गोली बरामद गरेको जनाएको छ । उनीसँगै रहेको एक जनाभने फरार छ । प्रहरीले फररको खोजी गरिरहेको र घटनाको अनुसन्धान भईरहेको जनाएको छ ।
