गमक पोष्ट समाचारदाता
सप्तरी, ६ चैत । सप्तरीको अग्निसाइर कृष्णसवरण नगरपालिका ५ महुलीमा रहेको गाई फर्मममा आगलागी हुँदा २० वटा गाई बाछोको जलेर मृत्यु भएको छ । शुक्रबार बिहान अचानक आगलागी हुँदा
शुक्रवार विहान गोठमा अचानक आगलागी हुँदा मनोज साह र दिनानाथ साहले सञ्चालन गरेको कृष्णराम बहुउद्देश्यीय कृषि फर्मको गाई गोठमा ६० वटा गाई पालिएको मध्ये १८ गाई र २ बाच्छासहित २० वटाको जलेर मृत्यु भएको हो ।
एक्कासि भएको आगलागी गोठका कर्मचारीले देखेको र गाईको दाम्लो काट्दासमेत गाईहरू बाहिर नभागेर आगो बलेकै तिरै गएकाले धेरै क्षति भएको जिल्ला प्रहरी कार्यालय सप्तरीका प्रमुख एसपी राजेन्द्र धमलाले जानकारी दिए ।
आगो बिहानै नियन्त्रणमा आएपनि क्षति बारेमा मूल्याङ्कन भईरहेको प्रहरीले जनाएको छ ।
सप्तरीमा बिहीबार पनि एक गाउँमा आगलागी भएको थियो । जिल्लाको तिलाठी कोइलाडी गाउँपालिका ५ आगलागी हुँदा करिव ७५ लाख बराबरको धनमाल जलेर नष्ट भएको बताइएको छ । सो आगलागीमा चार वटा घर जलेर खरानी बनेको थियो भने एक जना गम्भीर घाइते भएका छन् ।
