गमक पोष्ट समाचारदाता
जनकपुर, २९ फागुन । पूर्वपश्चिम राजमार्ग अन्तर्गत धनुषाको मिथिलाविहारी नगरपालिका ८ बडहरीपुल नजीक टिपरले टेम्पोलाई ठक्कर दिदा चालकको घटनास्थलमै मृत्यु भएको छ । शनिबार बेलुका पश्चिमबाट पूर्वतर्फ आउँदै गरेको ना. ८ ख ७२२२ नम्बरको टिपरले विपरीत दिशाबाट आउँदैगरेको प्रदेश २–०३–००१ स ५४७५ नम्बरको तीनपाङ्ग्रे टेम्पोलाई ठक्कर दिँदा अटो चालक महोत्तरीको बर्दिबास नगरपालिका १ का बीरबहादुर तामाङ्गको घटनास्थलमै मृत्यु भएको हो ।
इलाका प्रहरी कार्यालय ढल्केवरका प्रहरी निरीक्षक तिर्थ कुमार कार्कीले घटनाबारे अनुसन्धान भईरहेको जनाएको छ । शव पोष्टमार्टमका लागि प्रादेशिक अस्पताल जनकपुर पठाइएको बताइएको छ ।
