गमक पोष्ट समाचारदाता
मकवानपुर, २९ फागुन । मकवानपुरको मनहरि गाउँपालिका ६ सुनाचुरीमा बस र ट्रक ठोक्किएर तीन जनाको मृत्यु भएको छ भने बसमा रहेका थप १० जना घाइते भएका छन् । विहान वीरगन्जबाट चितवनका लागि छुटेको ना. ४ ख ५१४९ नम्बरको बस र चितवनबाट हेटौँडाका लागि हिडेको ना. ६ ख ८९ नम्बरको ट्रक एक आपसमा ठोक्किएर दुर्घटना हुँदा उनीहरुको मृत्यु भएको हो ।
दुर्घटनामा परेर बस चालक वीरगन्ज १५ का ३५ वर्षिय मदनकुमार थापा, बसमा सवार भारत सिस्वाका ४० वर्षिय अभयलाल कुश्वाहा र भारत विहारका ४० वर्षिय सुनिलकुमारको मुत्यु भएको जिल्ला प्रहरी कार्यालय मकवानपुरका प्रहरी उपरीक्षक सोमेन्द्र सिंह राठोरले बताए ।
घाइतेहरुको हेटौँडा अस्पतालमा उपचार भइरहेको छ । बसका चालक थापा र सुनिलकुमारको उपचारको क्रममा चितवनस्थित पुरानो मेडिकल कलेज र कुश्वाहको हेटौँडा अस्पतालमा मृत्यु भएको प्रहरीले जनाएको छ । घाइतेहरुको उपचार विभिन्न स्वास्थ्य संस्थामा उपचार भईरहेको छ ।
