सिरहा, २० असोज । प्रहरीले सिरहाको मिर्चैया नपा ६ कटारीचौकको एक होटलबाट नगद सहित आठ जुवाडेलाई नियन्त्रणमा लिएको छ ।
इलाका प्रहरी कार्यालय मिर्चैयाले मिर्चैया ८ का २१ वर्षिय सीयाराम महतो, २२ वर्षिय राजाराम साह, जितेन्द्र साह, मिर्चैया ५ का ३५ वर्षिय दिलिप नायक, मिर्चैया ३ का २४ वर्षिय सरोज कुमार चौधरी, गोलबजार नपा १ का ३२ वर्षिय नातीकाजी राई र उदयपुर कटारी नपा १ का २५ वर्षिय विशाल सुनार र ३४ वर्षि दान बहादुर राईलाई एक लाख ६ हजार नगद सहित नियन्त्रणमा लिएको हो ।
तास जुवा खेलीरहेको गोप्य सुचनाका आधारमा पुगेका प्रहरीले उनीहरुलाई नियन्त्रणमा लिएको जिल्ला प्रहरी कार्यालय सिरहाले जनाएको छ । उनीहरुमाथि आवश्यक अनुसन्धान भईरहेको जनाएको छ ।
