लहान, १२ असार। सप्तरी प्रहरीले बलान बिहुल गाउँपालिकाबाट दुई राउन्ड गोलीसहित दुई युवकलाई नियन्त्रणमा लिएका छन्। पकाउ पर्नेहरूमा बलान बिहुल गाउँपालिका वडा नम्बर ३ का ३२ वर्षीय सुभाष कुमार पासमान र सोही ठाउँ बस्ने २२ वर्षीय धर्मेन्द्र सिंह रहेका प्रहरीले जनाएको छ।
बिहीबार दिउँसो ४ बजेतिर बलान बिहुल गाउँपालिका वडा नम्बर ३ स्थित टिकुलिया–बेल्ही सडक खण्डमा बाँसको टहरा शंकास्पद अवस्थामा बसिरहेका उनीहरूको शरीर खानतलासी गर्दा पासमानको साथबाट ८ एमएम लेखिएको २ दुई राउण्ड गोली फेला परेको जिल्ला प्रहरी कार्यालय सप्तरी सूचना अधिकारी डीएसपी हेमराज घिमिरेले जानकारी दिए।
उनले पक्राउ परेकाहरूलाई खरखजाना सम्बन्धी मुद्दामा अदालतबाट पाँच दिनको म्याद लिएर अनुसन्धान गरिरहेको बताए।
