जनकपुरधाम, १३ मंसिर। धनुषाबाट सात वर्षीया बालिका बलात्कार गरेको आरोपमा एक वृद्ध पक्राउ परेका छन्। बालिका बलात्कार गरेको आरोपमा प्रहरीले क्षीरेश्वरनाथ नगरपालिका ५ महेन्द्रनगरका ६७ वर्षीय रामभगत साहलाई पक्राउ गरिएको हो।
आरोपी साहले बालिकालाई एक्लै भएको मौका छोपी बलात्कार गरेर भाग्दै गरेको अवस्थामा स्थानीयले समातेर प्रहरीलाई खवर गरेपछि तत्काल पुगेर नियन्त्रणमा लिएको इलाका प्रहरी कार्यालय प्रमुख, इन्सपेक्टर राजाराम यादवले जानकारी दिए।
पीडित बालिकाको प्रादेशिक अस्पताल जनकपुरधाममा स्वास्थ्य परीक्षण गरिएको छ। प्रहरीले साहलाई हिरासतमा लिई थप अनुसन्धान गरिरहेको जनाएको छ।
