सिरहा, ४ भदौ। नेपाल इँटा उद्योग महासंघ मधेश प्रदेशको जनकपुरमा बुधबार सम्पन्न दोस्रो अधिवेशन तथा तेस्रो साधारणसभाले सर्वसम्मत रुपमा पुनः विक्राम साहको अध्यक्षतामा १७ सदसीय प्रदेश समिति चयन गरेको छ।
समितिको बरिष्ठ उपाध्यक्षमा नवलकिशोर साह, उपाध्यक्ष संजय चौधरी, महासचिव अशोक जयसवाल, कोषाध्यक्ष रामबाबु पञ्जीयार चयन भएका छन्।
त्यसैगरी, सदस्यहरुमा मो. मुसलिम मिया र कृष्ण देव पण्डित सप्तरी, पुनम चौधरी र रामकृपाल यादव सिरहा, लक्षमण राय यादव धनुषा, मनोस साह महोत्तरी, विष्णु प्रसाद मैनाली सर्लाही, गेनालाल प्रसाद, बेदे आले रौतहट, ओमप्रकाश यादव वारा र गौरी शंकर साह पर्सा चयन भएका छन्।
अधिवेशनले तीन सदसीय सल्लाहकार समिति गठन गरेको छ। सल्लाहकार समितिमा अवदुल हकिम, मोहन साह र शिव पुजन साह रहेका छन्।
आजै जनकपुरको रोयल प्यालेश होटलमा सम्पन्न अधिवेशनको उद्घाटन समारोहमा मधेश प्रदेशका मुख्य मन्त्री सतिश कुमार सिंहले मन्तव्यसहितको उद्घाटन गरेका थिए।
अधिवेशनमा मधेश प्रदेशका ८ जिल्लाबाट करिव २ सय व्यसायीहरु सहभागी भएका थिए।
