सिरहा, २२ चैत। सिरहाको गोलबजारमा मोटरसाइकलको ठक्करबाट साइकलमा सवार बाजे नातीको मृत्यु भएको छ। दुर्घटनामा मोरसाइकलमा सवार दुईजना गम्भिर घाईते भएका छन्। निपनियाँ–महनौर भित्री सडक अन्तर्गत गोलबजार नगरपालिका ५ असनपुर नजिक प्रदेश २–०१–००१ प ०२७७ नम्वरको मोटरसाइकको ठक्करबाट साइकलमा सवार गोलबजार १३ दुर्गापुरका ५५ वर्षिय हंशराज यादव र उनका नाती करिव ३ वर्षिय सूर्य कुमार यादवको मृत्यु भएको हो। 

fc8b3ef9-6e02-451c-b7f3-42a26f793cd8

विहिवार अपरान्ह दुर्घटनामा परी सख्त घाइते हंशराजको उपचारको क्रममा लहानस्थित प्रादेशिक अस्पतालमा मृत्यु भएको प्रहरीले जनाएको छ। उनका नाती सूर्यको भने विराटनगरमा उपचारको क्रममा शुक्रवार विहान मृत्यु भएको इलाका प्रहरी कार्यालय गोलबजारका प्रमुख इन्सपेक्टर ... साहले जानकारी दिए। 

दुर्घटनामा परी मोटर साइकल चालक गोलबजार १ मुक्सारका सागिर अन्सारीका छारा २५ वर्षिय कारी अन्सारी र सोही मोटरसाइकलको पछाडी सवार फारमुद अन्सारीको छोरा १९ वर्षिय स्माई अन्सारी घाईते घएका छन्। चालक कारीको विराटनगरमा उपचार भईरहेको छ। उनको अवस्था पनि चिन्ताजनक रहेको बताइएको छ। स्माईलको पनि खुट्टा भाँचिएकाले लहानमा उपचार भईरहेको छ। 

मोटरसाइकलको गति तिव्र भएकाले दुर्घटना हुनगएको प्रारम्भिक अनुमान गरिएको छ।