सिरहा, २१ चैत। आठौं अन्तर्राष्ट्रिय गोलबजार मेयर गोल्ड कप २०८१को उपाधि सहलेश फुटवल क्लव सिरहाले उचालेको छ। गोलबजार नगरपालिका २ गुरुधामस्थित एकीकृत खेल ग्राममा भएको फाईनल खेलमा गोलबजार स्पोर्टस् क्लवलाई सून्यको विरुद्ध एक गोलले पछिपार्दै उपाधि हात पारेको हो।
खेलको सुरुवाति चरणमै सहलेश फुटवल क्लवको तर्फबाट जर्सि नम्वर १४ का खेलाडी अनिल पाचे मगरले एक गोल गरेका थिए। सोही गोल नै निर्णयक बन्न पुग्यो।
प्रतियोगिताको विजेता टिम सहलेश फुटवल क्लवलाई चार लाख एक हजार र उपविजेता टिम गोलबजार स्पोर्टस् क्लवलाई दुई लाख एक हजार नगद रुपैयाँ, ट्रफि, मेडल र प्रमाणपत प्रमुख अतिथीको हातबाट हस्तान्तरण गरिएको छ।
फाईनल खेलमा खेलकुद मन्त्रि प्रमोद जयसवाल, स्वास्थ्य मन्त्री सत्रुधन प्रसाद सिंह, गोलबजार नगरपालिकाका मेयर श्यामकुमार श्रेष्ठ लागायतका उपस्थिति रहेको थियो।
प्रतियोगितामा उत्कृष्ट खेल प्रदर्शन गर्ने खेलाडीहरुलाई नगद पुरस्कार र ट्रफिले सम्मान गरेको छ। प्रतियोगिताको सर्वोउत्कृष्ट खेलाडी सहले फुटवल क्लवबाट जर्सि नम्वर १० का खेलाडी राजु भुजेल घोसित भएका छन्। उनलाई सात हजार नगद र ट्रफिले सम्मान गरेको आयोजकले जनाएको छ।
त्यसैगरी प्रतियोगितामा सहलेश फुटवल क्लवका अनिल पाचे मगर जर्सि नम्वर १४ म्यान अफ द म्याच, बेस्ट किपर सागर मगर जर्सिनम्वर २२, बेष्ट स्कोलर एलेक्स जर्सिनम्वर १५ घोसित भएका छन्।
गोलबजार स्पोर्टस् क्लवबाट जर्सि नम्वर ८ का खेलाडी अमन लामा वेष्ट मिड फिल्डर र युवराज खड्का जर्सि नम्वर १३ का युवराज खड्का वेष्ट फरवाड घोषित भएका छन्।
सहलेश फुटवल क्लवका प्रशिक्षक राजिव यादव वेस्ट कोचरबाट सम्मनति भएका छन्।
यहि चैत्र १५ गतेबाट सुरुभएको प्रतियोगितामा भुटान र नेपालका ८ वटा टिम सहभागी रहेको आयोजक गोलबजार नगरपालिकाका प्रवक्ता सञ्जित लामाले जानकारी दिए। प्रतियोगिताको लागि नगरपालिकाले कुल २२ लाख रकम विनियोजन गरेको थियो।
