सिरहा, २० चैत। आठौं अन्तर्राष्ट्रिय गोलबजार मेयर गोल्ड कप २०८१ अन्तर्गत आज भएको दोस्रो सेमि फाईलन खेल विजयी हासिल गर्दै सलहेश फुटवल क्लव, सिरहा फाईलन प्रवेश गरेको छ। रोमन फुटवल क्लव, सर्लाहीलाई १ को विरुद्ध २ गोलले पछिपार्दै सलहेश फाईनल प्रवेश गरेको हो।
रोमाञ्चक खेलको दोस्रो हाफको अन्तिम समयमा सलहेशका लागि जर्सि नम्वर ५ का खेलाडी सार्गि डिक र जर्सि नम्वर १० का खेलाडी राज भुसालले १÷१ गोल गरेका थिए।
रोमन फुटवल क्लव सर्लाहीका तर्फबाट १३ नम्वर जर्सीका खेलाडी कारीक पटेलले १ गोल गरे।
सहलेशको जितसँगै सिरहाकै दुई वटा टिम फाईनलमा आमने–सामने हुने भएको छ। यस अघि नै गोलबजार स्पोट्र्स कल्व, सिरहा फाईनल प्रवेश गरिसेको छ। चात्या सा फुटबल कल्व, दमकलाई हराउँदै गोलबजार फाईनल प्रवेश गरेको हो।
फाईनल खेल भोली २१ गते विहिवार २ बजे गोलबजार नगरपालिका २ गुरुधामको एकीकृत खेल ग्राममा हुने आयोजकले जनाएको छ।
प्रतियोगिताको विजेता टिमलाई चार लाख एक हजार र उपविजेता टिमलाई दुई लाख एक हजार नगद रुपैयाँ, मेडल र प्रमाणपत्र गरिने आयोजक तथा गोलबजार नगर प्रवक्ता सञ्जित लामाले जानकारी दिए।
प्रतियोगितामा भुटानका एकसहित ८ वटा टिमको सहभागीता रहेको थियो।
