सिरहा, २४ फागुन। सिरहाको अर्नामामा गाउँपालिकाको ट्याक्टरले ठक्करदिंदा एक बालकको मृत्यु भएको छ। अर्नमा का–३ मा ट्याक्टरको ठक्करबाट एक बालकको मृत्यु भएको छ। पकिाको नाममा दर्ता रहेको स १ द. ८५ नम्पको रातो ट्याक्टरको ठक्करबाट अर्नमा ३ का रामसेवक महतो (ठक्कु)को अन्दाजी ११ वर्षिय छोरा शतिश कुमार महतोको शनिवार अपरान्ह घटनास्थलमै मृत्यु भएको हो।
घटनाको करिव ६ घण्टा पश्चात पीडित परीवारले शव पोष्टमार्टमको लागि प्रादेशिक अस्पताल लान तयार भएको छ। पीडित परीवारले किटानी जाहेरी दिने, पालिका अध्यक्ष अशोक यादवसहितको छलफलबाट निस्कर्ष निकाल्ने सहमति पछि शव पोष्टमार्टमको लागि लान तयार जिल्ला प्रहरी कार्याय सिरहाका सूचना अधिकारी बीरेन्द्र कुमार पासवानले जानकारी दिए।
उनले ट्याक्टर चालक र ट्याक्टर प्रहरीले नियन्त्रणमा लिएको छ।
अर्नामा गाउँपालिका ३ स्थित अर्नामा गाउँको बाटोमा माटो भर्न दक्षिणबाट उत्तरतर्फ जाँदै गरेको ट्याक्टरले विपरीत दिशाबाट साइकलमा आईरहेको बालकलाई ठक्कर दिएको प्रित्यक्ष दर्शिले जनाएको छ।
घटनाबारे थप अनुसन्धान भइरहेको प्रहरीको भनाई छ।
