धनगढीमाई नगपालिका महिला, बालबालिका तथा समाज कल्याण शाखाका कर्मचारीहरुसँग दिनेश यादव।
सिरहा, २२ फागुन। धनगढीमाई नगरपालिकामा करारका एक कर्मचारी कामै नगरी राजनीतिक आडमा पालिकाबाट तलव–भत्ता बुझ्ने गरेको पाईएको छ। पालिकाको महिला शाखामा कार्यालय सहयोगीको रुपमा कार्यरत दिनेश यादव राजनीतिक आडमा पालिकाबाट दलवभत्ता बुझ्ने गरेको पाइएको हो।
राष्ट्रिय युवा संघ, नेपालको एक कार्यक्रममा प्रदेशसभा सदस्य राजेन्द्र प्रसाद चौधरी, सिरहा नगरपालिकाका मेयर डा. नविन यादवसँगै वायाँतर्फ ड्यासमा आसिन दिनेश यादव।
नेकपा (एमाले)का भात्री संगठन राष्ट्रिय युवा संघ, नेपालका जिल्ला अध्यक्ष हुन्। यादव हिजोआज आगमी चैत्र ३ गते हुने भनिएको संघको १० औं जिल्ला सम्मेलनमा व्यस्त छन्। उनी आफैले पनि आफू हिजो आज जिल्ला सम्मेलनमा बेस्त रहेको बताए। उनले भने, ‘हाम्रो संगठनको आउँदो चैत्र ३ गते जिल्ला सम्मेलन हुँदैछ। हिजो आज म त्यहीकाममा व्यस्त छु।’
तपाईं नगरपालिकाको कर्मचारी पनि हुनुहुदो रहेछ, राजनीति कर्मी पनि! कसरी मिलाईराख्नु भएको छ? भन्ने गमक पोष्टको प्रश्नमा यादवले पहिले भने, ‘हो म कर्मचारी हो, लगतै कर्मचारी त त्यस्तै–त्यस्तै हो। कर्मचारी नभएकै बराबर हो।’
त्यसो भए तलव खाईरहनु भएको छैन? भन्ने प्रश्नपछि उनले अलमलीदै भने, ‘अहिले तव नखाएकै जस्तो छ। त्यस लगतै तलव नबुझ्नु भएको कति भयोभन्दा उनले ठिकै छ। यो विषयमा तपाईंसँग भेटेरै कुरा गरौंला।’
उनले आफू कर्मचारी हो होइन भन्ने विषयमा र तलव बुझेको विषयमा स्पष्ट जवाफ दिएनन्।
यादवले राजनीतिक आडमा तलवमात्र हैन पार्टी संगठनको कामले काठमाडौं, जनकपुर जाँदा पालिकाबाट थप भत्तासमेत लिनेगरेको कर्मचारीहरु नै बताउँछन्।
पालिकाका जनप्रतिनिधीहरु पनि उनी पालीकाको कर्मचारी भन्दा राजनीतिक दलका नेता बढी भएको बताउँछन्। एक जनप्रतिनिधीले कानुनले समेत एउटा कर्मचारीले दलको कार्यकारी पदमा बस्न बन्देज लाएको छ। उनले भने, ‘यादव शक्तिको प्रभावमा पालिकाको तलव खाएर पार्टीको काममा कुदिरहेका छन्।’
नगरपालिकाका मेयर शिव शंकर महतो नेकपा एमालेबाट निर्वाचित भएकाले त्यसैको आडमा यादव कर्मचारी भएरपनि ऐन कानुनै मिचेर राजनीतिक संगठनको कार्यकारी पदमा रहेर काम गरिरहेको जनप्रतिधीहरुको आरोप छ।
यस सम्वन्धमा धनगढीमाई नगरपालिकाका प्रमुख प्रशासकीय अधिकृत विष्णुप्रसाद गुरुङ्गले भने आफूलाई उनी कुनै पार्टी संगठनको नेताको रुपमा क्रियाशिल रहेको जानकारी नभएको बताए। उनले भने, ‘मलाई मेरो कर्मचारी त्यसरी पार्टी संगठनको कार्यकारी पदमा रहेरको भन्ने जानकारी छैन, अहिले तपाईंले भन्नुभएपछि जानकारी पाएँ। अव म बुझेर यस विषयमा कुनै प्रतिकृया दिउँला।’
प्रशासकीय अधिकृत गुरुङ्गले राजनीति गर्ने व्यक्तिको स्वतन्त्रता हुने बताए। उनले भने, ‘राजनीतिगर्ने व्यक्तिको स्वतन्त्रता भएपनि निजामती सेवामा प्रवेश गरेपछि उसलाई आचरणले बाँध्छ। उसले राजनीति गर्न पाउँदैन। राजनीतिमा भाग लिएको ठहर भएका सामान्य सामान्य देखि वित्तिय सजाय गर्न सकिन्छ। मेरो कर्मचारीले राजनीतिमा सक्रिय भएको कुनै प्रमाण फोला परे त्यस्ता आवश्यक कार्वाही हुन्छ।’
