काठमाडौं, १८ फागुन। हरियाणाको साम्पलामा कांग्रेस नेतृ हिमानी नरवालको हत्या भएको छ। उनको शव सुटकेसमा फेला परेको थियो।
हिमानीको हातमा मेहेन्दी, घाँटीमा स्कार्फ र नाकबाट रगत बगिरहेको प्रहरीले जनाएको छ। २२ वर्षीया हिमानी नरवालको घाँटी थिचेर हत्या गरिएको प्रारम्भिक अनुसन्धानमा खुलेको छ।
उनको शव शनिबार बिहान साम्पला बस स्ट्यान्ड नजिकै रोहतक–दिल्ली सडकको छेउमा सुटकेसमा फेला परेको थियो। हिमानी सक्रिय कांग्रेस कार्यकर्ता थिइन्। उनी राहुल गान्धीको भारत जोडो यात्रामा पनि संलग्न थिइन्।
पूर्व मुख्यमन्त्री भूपेन्द्र सिंह हुड्डाले हिमानीको हत्याको उच्चस्तरीय अनुसन्धानको माँग गरेका छन्। विजय नगरमा बस्ने हिमानीका छिमेकीहरूले हिमानी घरमा एक्लै बस्ने गरेको बताएका छन्। आमा र कान्छो भाइ दिल्लीमा बस्छन्।
प्रहरीका अनुसार उनको जेठो दार्ईको करिब १५ वर्षअघि हत्या भएको थियो। यसपछि हिमानी करिब दुई वर्षअघि आफ्नी हजुरआमासँग दिल्ली बस्ने गर्थिन्। हजुरआमाको मृत्युपछि उनी एक्लै बस्दै आएकी थिइन्। पोस्टमार्टमपछि उनको हत्याबारे भन्न सकिने भारतीय प्रहरीले जनाएको छ।
