सिरहा, १५ फाल्गुन। सिरहाको धनगढीमाई नगरपालिका ९ स्थित नैनपुर नगर अस्पतालमा तीन दिने क्यानसर रोकथाम, नियन्त्रण तथा परिक्षण शिविरको पहिलो दिन दुई सय जनाले स्वास्थ्य सेवा लिएका छन्। धनगढीमाई नगरपालिकाको आयोजनामा सञ्चालन भएको शिबिरमा नगरवासी तथा अन्य पालिकाका विरामीहरुले पाठेघर, नाक, कान, धाँटी लगायत विभिन्न सेवा लिएका हुन्।
गाउँघरमा रोग लुकाउने प्रबृतिले क्यान्सर जस्ता जटील रोगको लक्षण भएपनि थाहा नपाउने र अनत्यमा जानकारी ँहुँदा अवस्था जटिल भईसक्ने भएकाले सुरुमै जानकारीका लागि शिविर संचालन गरिएको धनगढीमाई नगरपालिकाका उपप्रमुख संगिता कुमारी चौधरीले वताईन्।
सबैभन्दा वढी ८२ जाना पाठेघरका रोगीले सेवा लिएका छन्। जसमध्ये पाठेघरको मुख सुनिएका दुई जनालाई थप उपचरका लागि भरतपुर क्यान्सर अस्पताल रेफर गरिएको विपी कोइराला मेमोरीयल क्यान्सर अस्पताल भरतपुर चितवनका क्यान्सर रोकथाम नियन्त्रण तथा अनुसन्धान विभागका भिआईए (भिजुवल ईन्सपेक्सन एसिटिक) प्रशिक्षक डाक्टर विष्णु अधिकारीले वताईन्।
सधै वित्तिय सेवा प्रदान गर्दै आईरहेका विजय लघुवित्त संस्था लि.धुलिखेल काभ्रेपालाञ्चोकको समन्वयमा विपी कोइराला मेमोरीयल क्यान्सर अस्पताल भरतपुर चितवनका क्यान्सर रोकथाम नियन्त्रण तथा अनुसन्धान विभागको प्रविधिक सहयोगमा क्यान्सर, गाईनो र ईएनटी जस्ता रोगहरुको परिक्षण गरिएको विजय लघुवित्तीय संस्था लि. का कायकारी अध्यक्ष विजय लामसालले जनकारी दिए।
फाल्गुन १८ गते सम्ममा सात सय जनलाई सेवा दिने लक्ष्य अनुरुप क्यान्सर रोकथाम नियन्त्रण तथा अनुसन्धान विभागका सिनियर नर्सिङ्ग आयोध्या पाठक लगायत आठ जना डाक्टरको समूहले सेवा प्रदान गर्दै आईरहेका छन्। शिविरमा निःशुल्क औषधि दिने गरिएको छ।
