सिरहा, ६ फागुन। गोलबजार नगरपालिका ६ स्थित जनहित आधारभुत विद्यालयमा शिक्षकको आपसि विवादका कारण लामो समयदेखि पढाई प्रभावत भएपछि विद्यार्थी नियमित पठन पाठनको माँग गर्दै शिक्षा शाखा पुगेको छ। विद्यालयका विद्यार्थीहरु नियमित पठन पाठनको माँग गदै आज शिक्षा शाखा पुगेका हुन्।
विद्यार्थीहरुले शिक्षकको आपसी विवादका कारण आफ्नो भविष्यमाथि खेलवाड हुन थालेकाले बाध्य भएर शिक्षा शाखा गुहार्न पुगेको कक्षा ८ मा अध्ययनरत छात्र सुरज महराले बताए। उनले भने, ‘हाम्रो बोर्ड परीक्षा आउने बेला भईसक्यो, शिक्षकहरुको आपसि विवादले हाम्रो पढाई प्रभावित भईरहेको छ। त्यसैले आज हामी पठन पाठनको उचित व्यवस्था मिलान माँग गर्दै वडा कार्यालय र शिक्षा शाखामा गएका थियौं।’
त्यसैगरी, कक्षा ६ मा अध्यनरत सुमन महतोले भने, ‘लामो समयदेखि विवादका कारण राम्रो पढाई भईरहेको थिएन, आज शिक्षकहरु पढाउन नै नआएपछि हामी बाध्य भएर माथिल्लो निकायलाई गुहार माग्न बाध्येय भयौं।’
प्रधानअध्यापक शरिता मण्डलले आफ्नै शिक्षक राजकुमार रामलाई गाली गरेको भन्दै आज यहाँका शिकहरुले कक्षा बहिस्कार गर्नु परेको बताए। रामलेभने, ‘फागुन १ तगेबाटै हाम्रो हाजिर गराईरहेको छैन, हिजो सोमबार मैले हाजिर बनाउन पाउँ भन्दा गाली गलौज गर्नुभयो। यस्तो अवस्थामा हामीले कसरी काम गर्ने? त्यसैले आज पढाई प्रभावित भएको हो।’
अर्का शिक्षक शिवेन्द्र कुमार यादवलाई के तपाईहरु आफ्नो विवादमा विद्यार्थी प्रयोग गरेको हो? भनि प्रश्न गर्दा उनले यहाँ सहजरुपमा पठन पाठनको अवस्था नरहेको बताए। उनले भने, ‘यहाँ धेरै कारणहरु छन्, सहज रुपले पठन पाठन गराउन सक्ने अवस्था छैन। त्यसैले विद्यार्थी आफै कक्षा बहिस्कार गरेर हिडेका हुन्। हामीले कसैलाई कुनै प्रयोग गरेका छैनौं।’
प्रधानाध्यापक सरिता मण्डलले भने यहाँ शिक्षकहरुले साना साना विषयमा निहुखोज्ने र विद्यार्थी उचाल्ने गरेको आरोप लगाए। उनले हिजो सामान्य विवाद भएपनि आज सवै विद्यार्थी शिक्षक समयमा आएपनि पठन पाठन अवरुद्ध गरेर विद्यार्थीलाई उस्काउने काम भएको बताए।
यता शिक्षा शाखाले जनहित आधारभुत विद्यालयमा केहि समस्या रहेको बताउँदै आईतबार त्यस विषयमा विद्यालयमै गएर छलफल गरी समाधानको प्रयास गर्ने बताएको छ।
